Þuríður Arna greindist með illvíga flogaveiki í október 2004 og í kjölfarið fundust æxli í höfði hennar sem á þeim tíma voru greind góðkynja.Þrátt fyrir ítrekaðar tilraunir hefur ekki tekist að vinna bug á meini hennar og nú er svo komið að æxlið er skilgreint sem illkynja og útlit fyrir að frekari meðferðarúræði séu ekki fyrir hendi. Nú ætlum við að leggjast á eitt og safna fjármunum til að hún og foreldrar hennar geti átt góðar stundir saman.

Tónleikar
Til styrktar og heiðurs Þuríði Örnu Óskarsdóttur í Bústaðarkirkju miðvikudaginn 8. nóvember kl 20.

Fram koma:
Stebbi og Eyfi, Regína Ósk, Garðar Örn Hinriksson, Signý Sæmundsdóttir, Jóhann Friðgeir, Hanna Þóra og Ólöf Inga Guðbrandsdætur.

Ásamt:
Guðmundi Sigurðssyni, Vilhelmínu Ólafsdóttur, Matthíasi Baldurssyni og Guðmundi S Sveinssyni

Kynnir verður:
Anna Björk Birgisdóttir

Aðgangseyrir 2000 kr.
Allt fé sem safnast á tónleikunum rennur óskert til Þuríðar Örnu og fjölskyldu hennar.

----------------------

Jæja er ekki komin tími til að skrifa eitthvað hérna inni, loksins þegar ég hef frá einhverju að segja

En já...við á hárgreiðslustofunni Senter höfum greynilega ekki nóg að gera, því að við erum endalaust að taka að okkur verkefni, Ekki nóg með það að við erum mað NFS-fréttirnar og ísland í dag og X-factor þá vorum við líka að taka við nýja nýja þáttin hans Hemma Gunn. 1-sti þátturinn var í gær og gekk hann svona ágætlega, þurfti að greiða um 30 manns og alveg heilu nörda liði sem voru allir búin að fara í makeover og allir með einhverjar hnakka klippingar en það hafðist á endanum. Og miss Dilana úr rockstar mætti á svæðið og ég held að frægari manneskju greiði maður ekki, eins og staðan er í dag. Hún var bara ósköp vennjuleg, ótrúlega nice, ekkert nema hi sweety og honey, voða voða krútt. lufsaðist eitthvað í lubbanum á henni og bara gekk ótrúlega vel, voða sæt og fín. Svavar stakk reyndar upp á að hrækja bara einni góðri slummu í hárið á henni og þá væri málið dautt

en jæja meira er það ekki í bili

Bless-i ykkur

MC

Nú er leiðinni haldið á þjóðhátið, ekki leiðilegt það. Er núna að bastlast við að pakka niður, gleymi alltaf jafnóðum hvað ég setti niður og hvað í anskotanum ég á að taka með mér. Og ekki að ég sé að fara í 1-sta skiptið, humm ég held að þetta sé 9 eða 10 skiptið sem ég er að fara. Addí og Helena eru að fara í 1-sta skiptið og ég er svo spennt að sjá viðbrögð þeirra við þessu öllu saman, gleymi ekki þegar  Íris, Sibba og Pálmi fórum 1-sta skiptið. Ekki leiðilegt að upplifa það með þeim En jæja!! ofan í tösku er komið Regnjakki, regnbuxur, spari tútturnar mínar, en ég veit VEIT innst í hjartanú mínu að það verði sól eða kannski ekki sól en gott veður. En já ég og Addí leggjum af stað á morgun klukkan 12:00 sem verður örugglega ekki fyrr en um 13:00 ef ég þekki okkur rétt, en ætlum að reyna að leggja af stað kl 12:00 og koma við á Hellu og fá okkur Hellu kaffi, síðan er flugið er á milli 3-4 frá bakka. Síðan er það bara eintóm hamingja í  5 daga

 

Well eigiði góða verlunnarmanna helgi, I know I will

Adios   MC

Sól sól sól sól sól sól sól!!!!!!!! jæja gott fólk er í Álaborginni og í 28 stiga hita eða svo. Komum til Tinnu frænku um 20:00. Fluginu seinkaði um 30 mín og við hugsuðum : jæja við höfuð alveg rúma tvo tíma áður en flugið til álaborgar, en NEI biðum í klukkutíma og 45 mín eftir farangrinum okkar og gate-ið okkar var alveg í hinum endanum á flugstöðinni og það var ekki séns fyrir okkur að ná helvítis fluginu, þannig að við mútta settum bara á næsta bar og fengum okkur öllara og náttúrlega hlógum eins og skrattinn. Ómar sótti okkur á flugvöllinn og við komum við í Kvickly og ég get alveg týnt mér í þeirri búð allskonar drasl og dót, keyptum í matinn og grilluðum massamáltið. Sátum úti á palli til rúmlega 1:00 ekkert smá næs Ég er samt ekki alveg að meika þessar helvítis Hestabremsur, fáránlegt nafn en þær eru ógeðslegar, stinga til blóðs og það hættir ekki að blæða. Ég hef reyndar sloppið alveg ( 7, 9, 13) en hinir híhíhí Ómar frændi leigði bílaleigubíl, hevy næs maður. Erum búnar að transpotta út um allt, fórum aðeins í búðir í dag að shoppa ekki leiðilegt, enduðum svo á pallinum hjá Tinnu og með Rassabremsunum eins og ég orðaði það í einhverju kasstinu þegar ég var að reyna að flyja, mikið búið að gera grín af því og á mælinum hjá henni mældist 36 stiga hiti Allamalla. En jæja erum svo að fara á morgun á einhverja "hátið/markað" eitthvað, eitthvað. og kannski svo á stöndina, bara dúlla sér Best að fara að koma sér niður í bjórinn bið að heilsa ykkur í bili MC

jæja þá er maður bara að fara út á morgun, isss í 27 stiga hita Ekki slæmt að fá smá sól og sumar, þið skemmtið ykkur bara í rigningunni og rokinu hérna á skeri. Var að tala við Sigga storm og hann lofaði að það eigi að vera 27 stig og uppúr alla vikuna og Stormurinn klikkar aldrei, þannig að minns er bara glaður með það

En já fórum á tjúttið í gær ágætis tjútt bara. Jakob kærasti hennar möggu kom til landsins í gær, leyfðum honum að fá smörþefin af íslensku gítarparty. Kíktum í bæinn og drukkum yfir okkur, rosa fjör. Var rosalega vond við eina manneskju sem átti það enganvegið skilið, hann hefur ekkert verið nema elskulegheitin við mig og ég sting hann alveg í bakið, smá mórall og bömmer. Stundum getur maður verið nasty þegar maður er búin að drekka aðeins of mikið.En svona er þetta bara. Diddi bróðir var í gúddí fíling með þursabit í bakinu og dansaði eins og þroskaheftur en það er bara fyndið. Hittum fullt af fólki sem ég hef ekki séð í háa herrans tíð. Svona over all ágætis djamm.

Er að vinna núna á NFS fer svo heim að pakka og svo bara Álaborg here I come

Bless-i ykkur elsku börn

MC

Heirru það lítur allt út fyrir að minns sé að fara með mömmans í flúfvélina Ég og mín mútta erum að spá í að kíkja á Tinnu frænku í DK ákváðum þetta bara í gær. Ætlum að fara 3-10 júlí. Er farin að þrá mjög heitt,(að það liggur við að það sé smá dónalegt) að komast í frí, almennilegt frí. Búin að vinna eins og anskotinn síðan ég byrjaði á Senter. Þannig að ég bíð bara eftir að heyra frá flugleiðum um hvort að ég og múttuz séum að fara með sömu vél eður ei, en það bíttar ekki diff bara svo framanlega að ég sé að fara í flúfvél einhvert, alveg sama hvert Jæja best að fara að gera eitthvað að viti hérna á NFS, farin að fá olnbogaskot frá ákveðnum aðilum hérna

adios  

    MC

9 júni kl 21:40 fæddist gullmoli nr 2 í hópinn. Var lengi að koma í heiminn og svo loksins þegar mín kom, kom hún flugandi eins og superman. Búin að fá að hitta hana og get ekki beðið eftir að fá að hitta hana aftur þessa elsku. Ohhh hún er falleg Elsku bestasta Íris mín til hamingju með hana

Er maður soldið líkur mömmu sinni eða hvað?

jæja þá er þessi helgi á enda og mjög spes helgi fyrir mig Fór í útskriftarhelgi til Addíar og Höllu systur hennar á laugardaginn og þar var boðið upp á besta hvítvín í geiminum og Kristján pabbi þeirra stúlkna var alveg að sjá til þess að glasið mitt var alltaf fullt. Og ekki eins og ég sé eitthvað að kvarta sko.....en já síðan voru stelpurnar mína svo slappar að ég endað ein á leiðinni í bæinn  Fór og hitti Heiðu, Evu og Dóra á Rex, kíkti svo aðeins á cafe cosy með Heiðu og Friðrik og var ekki alveg að meika það. Þannig að mín tók sig bara til og fór ein á röltið hitt margt og mikið fólk, miskemmtilegt að vísu en. Ýmis smál voru tekin fyrir þarna um nóttina eða um morgunninn, löngu tímabært og mér líður eins og þungu fargi sé af mér létt, og er voða hamingjusöm með þetta allt saman, eða verð það á endanum. Sunnudagurinn fór allur í að sofa, enda ekki búin að sofa neitt af ráði í eina og hálfa viku 

Þá er það bara Akureyri næstu helgi

MC over and out

Lítil prinsessa kom í heiminn á föstudaginn. Með 10 fingur og 10 tær. Þessi litla elska var búin að láta bíða eftir sér í 13 daga. Elsku Hrefna og Alli til hamingju með yndislegu litlu stelpuna, Hlakka til að fá að knúsa hana

Yndislega amma mín er dáin, þessi kraft mikla kona sem lét sér ekkert segjast fór í dag, eftir langa bið fékk hún að fara til hans Halla afa. Skrítið að koma heim og engin amma Dísa inni í herbergi að horfa á sjónvarpið og reykja, síðan er kallað : Emilía mín ert þetta þú,, komdu aðeins og talaðu við mig, Þeir sem þekktu hana minnast hennar sem hressri og góðhjartaðri konu sem vildi allt fyrir mann gera Átti góða stund með henni í gærkveldi og  breiddi yfir hana og kyssti góða nótt.

Hvíl í friði elsku amma

Well þá er þessi helgi búin , átti æðislegan ammilisdag stelpurnar mínar buðu mér út að borða á Madonnu, sem klikkar ekki áttum skemmtilegt kveld við stöllur og takk fyrir mig Síðan vann mitt lið í erovision, djöfull er ég ánægð með Finska lagið, en anyway Ammilið heppnaðist fínt, þröngt máttu sáttir sitja, og Heiða mín nágrannarnir þakka söngin, She's gone klikkar náttla ekki.Það var ekki séns að ná að hringja á leigubíl, ég held að við höfum hringt stanslaust í klukkutíma, ekki alveg að fíla það, en bílinn kom á endanum . Og þá var brunað niðrí bæ og beint á barinn og ekkert kjaftæði við stöllurnar stóðum okkur mjööög vel í staupum og ég held að við höfum bara slegið persónulegt met í þeim efnum. Mikið dansað og eintóm hamingja. Fór heim á leið um 6 að ég held og lenti á alveg drepleiðilegum leigurbílstjóra sem ætlaði að henda okkur út, og ekki veit ég afhverju og ég var mjög stillt sem aldrei fyrr, en allavegna mjög bitur maður þar á ferð. Lítill fugl hvíslaði því að mér að það hafi verið bíll nr 214 þannig að ekki taka hann, nema að þú viljir labba hálfa leiðina heim   

jæja elskurnar mínar Im off

adios MC

(myndirnar eru komnar inn )

Minns á amfmæli og það á ég nú og það er í dag, minns á afmæli og það á ég nú í dag, og heill sé mér og ,lalalalalalalla....og eitthvað klapp klapp ég man ekki alveg lagið, já nú er ég gömul kona 24 takk fyrir pennt. Þetta er rosaleg en jæja sjáumst í júróvísjonammæliseitthvað-party á laugardagin í kjallaranum dúa

Chio MC

isss það er aldeilis djammtíðin framundan hjá mér og stúlkukindunum. Hvað er þetta með mai? Þetta er rosalegt, en jæja byrjum á því að Helena lús var að klára prófin og ég sem er svo meðvirk verð auðvitað að fagna með henni...auðvitað Í kvöld erum við að fara í Hreyfingarparty til að fagna prófum hjá skvísunum sem eru að vinna þar, síðan á morgun erum við að fara í ammilisparty, klikkum ekki á því, Síðan næstu helgi er nátta Eurovision og Ammilispartyið mitt jeiiiii, síðan var Helena alveg komin með program fyrir okkur sem ég man ekki alveg þessa stundina, en eitthvað var á á miðvikudagin 24 mai og svo var líka eitthvað helgina 27-29 og svo á Addí mús náttla afmæli þar á eftir, þannig að þetta verður roslegur mánuður. Ég bara veit ekki hvernig ég á að haga mér yfir þessu öllu saman, en það verður bara gaman

1-st að myndavélin mín er komin í lag þá ætla ég að vera dugleg að taka myndir, verð pirrandi aftur   sísssss

chio MC

Jæja besta að fara að drulla einhverju hérna inn. er ekki búin að vera í miklu bloggstuði þessa dagana, eftir mikið tuð þá ætla ég að henda einhverju bulli  og óspennandi bloggi hérna inn, En já, Helgin búin og geðveikt veður, skemmtileg helgi Á laugardagskvöldið fór ég í 25 ára afmæli hjá henni Evu minni, drakk þessa massabollu sem fór að kikka inn svona u.þ.b...já um leið og ég fór inni í bílinn á leiðinni í bæinn, alveg rúllandi,bullandi vittlaus en það er bara gaman. Kíkti á Rex sem er alltaf jafn spes upplifun að fara þangað, not my thing Hitti stelpurnar Addí og Helenu og við kíktum aðeins á Salt  , sem er kannski ekki svo sniðugt hitti einmitt í dag strákana sem vinna á barnum á Salt og bað þá vinsamlegast að næst þegar að ég kem alveg rúllandi og bið um staup að láta mig bara fá djús í staupglas eða bara vatn, djöfulsins atriði. En ég smakkaði eitt versta staup sem ég held að ég hafi smakkað ever minnir að það hafi heitið epla.....súpa eða eitthvað, og staupglösin á salt eru ekki lítil en anyway, kíkti aðeins á Glauminn, stoppaði stutt og fór snemma heim, eða snemma að mínu mati ekki það að ég sé samt eitthvað að kvarta sko bara mjög skettilegt kveld

En á sunnudaginn komu stelpurnar að sækja mig í góða veðrinu og við fórum í snú snú, jú góðir hálsar snú snú Höfuðið á mér var ekki alveg að meika það að fara að hoppa eitthvað þannig að ég var bara staur og var aðal SNÚ snúarinn stelpurnar stóðu sig með stakri prýði. Sibba litla kom með okkur, alltaf gaman að sjá hana Sibbu mína og hún var með þetta alveg á hreinu og brjálæðislega æst að taka sól og mána og tungl eða eitthvað. Var ekki alveg að fatta þessa elsku enda fattarinn minn bilaður eftir mikla drykkju þannig að ég brosti bara Var komin heim um 7 og ætlaði að leggja mig aðeins, bara smá svaf í  4 tíma og kíkti svo á Hrefnu og bumbubúa rosa gaman og voða stuð.

jæja yfir og út

MC

(myndirnar komnar. sjúúúúhú)

Cruise segist ætla að snæða naflastreng og fylgju barns síns

Leikarinn Tom Cruise segir í viðtali við karlatímaritið GQ að hann ætli að borða naflastreng og fylgju barns síns og það um leið og barnið er komið í heiminn. „Ég hugsaði sem svo með mér að það yrði gott. Mjög næringarríkt. Ég ætla að borða naflastrenginn og fylgjuna á staðnum,“ á Cruise að hafa sagt við viðmælanda sinn.

Cruise hefur látið ýmislegt undarlegt flakka undanfarið, en unnusta hans, Katie Holmes, er nú komin á steypirinn. Cruise segist hafa vitað að hún væri þunguð áður en hún greindi honum frá því. Í síðustu viku sagði hann frá því að Holmes væri gengin í Vísindakirkjuna en Cruise er sjálfsagt þekktasti meðlimur hennar. Samkvæmt vísindatrúnni á kona að fæða barn sitt hljóðalaust og segir Cruise það snúast um að virðing sé borin fyrir móðurinni.

Cruise, sem er nú 43 ára, á tvö ættleidd börn fyrir en þetta er fyrsta barn þeirra Holmes, en hún er 16 árum yngri en hann. Þau ætla að gifta sig í sumar eða haust. Fréttavefur BBC segir af þessu.